Pörin þrjú og hundarnir Tinni, Aría og Effý munu flytja á næstu dögum úr Stakkholtinu eftir að hundahald var bannað með kosningu í gær. Hilmar og Tinna keyptu sér íbúð á jarðhæð í Stakkholti 2-4 og fengu sér hund. Hundurinn fer alltaf út og inn um svalahurðina og notar því ekki sameignina. Þrátt fyrir það neyðast þau nú til að selja íbúðina og finna nýja sem leyfir hundahald.
„Við fengum ótal ábendingar um hvernig við gætum reynt að snúa upp á lögin sem var frábært en við höfum ákveðið að gefast upp og flytja. Okkur finnst Stakkholtið ekki lengur vera heimilið okkar,“ segir Hilmar Birgir Ólafsson, eigandi hundsins Tinna. –frá mbl.is
Tveir þriðju eigenda íbúða í húsinu hefðu þurft að gefa leyfi fyrir hundahaldi. Aðeins eitt af 22 atkvæðum féll þeim í vil.
*UPPFÆRT: Samkvæmt Vísir.is fór atkvæðagreiðslan 8 já á móti 22 nei.
„Fyrir utan atkvæðin sem við fengum umboð til að nýta sjálf var einn sem kaus með honum í stigaganginum okkar í leynilegri kosningu. Hundur sem er svo gott sem ósýnilegur fékk eitt af tuttugu og tveimur atkvæðum.“
Rökin fyrir því að hundarnir fengu ekki leyfi í húsinu voru annars vegar þau að vinir og ættingjar íbúa eru með ofnæmi og hins vegar að húsið myndi fljótt fyllast af hundum ef Tinna og hinum hundunum tveimur yrði leyft að vera í húsinu.
