Ókunnugir hundar verða bestu vinir í athvarfinu

Athvarfið Urgent Dogs of Miami fær fjöldan allan af hundum daglega og því þarf reglulega að svæfa annars heilbrigða hunda, athvarfið heldur uppi facebook síðu til að reyna að bjarga sem flestum. Seinasta miðvikudag birti athvarfið mynd af Bully blöndunum Kimmy og Brian sem urðu óvænt mjög háð hvort öðru. Þegar þau komu sitt í hvoru lagi frá sitthvorum fjölskyldum þá voru þau sett saman sökum lítils pláss og þau urðu óaðskiljanleg. Þar með ákvað athvarfið að auglýsa þau saman, í von um að þau fengju að fara saman á nýtt heimili. Auglýsingunni var deilt 4.183 sinnum þegar þessi frétt var skrifuð og í gær, 9.feb, var þeim bjargað saman.