Björgunarsveitin kom Pálínu Ásbjörnsdóttur til bjargar í gær þegar hundurinn hennar Kvika féll ofan í 7 metra djúpa gjá á vinsælu útivistarsvæði nálægt Búrfellsgjá. Kvika var föst í um tvo tíma ofan í gjánni en slasaðist sem betur fer ekki. Snjór var yfir gjánni sem Kvika féll ofan í og því vill Pálína ýtreka mikilvægi þess að hafa hundana í bandi á þessu svæði, sérstaklega þegar snjóa leysir sem veldur því að sprungur eru huldar þunnu lagi snjós.
Ég vil vara fólk við, að vera með hunda í bandi og passa að börn séu inni á göngustígnum, sérstaklega þegar það er snjór eins og nú. Það voru gular stikur sem stóðu upp úr snjónum sem sýndu gönguleiðina en þetta er samt hættulegt.
Björgunarsveitarmenn tjáðu Pálínu að Kvika væri þriðji hundurinn sem þeir hafa bjargað upp úr gjá á þessu svæði.
