Georgíu-fylki í Bandaríkjunum var að bætast í hóp yfirvalda sem gefa kaffihúsaeigendum sjálfval um hvort hundar séu leyfðir á kaffihúsunum. Reglur um hunda og kaffihús hafa hingað til verið svipuð í Georgíu og á Íslandi en á dögunum samþykkti heilbrigðiseftirlitið þar að leyfa kaffihúsaeigendum að ráða hvort hundar séu leyfðir á útisvæðunum. Hundaeigendur þurfa að fylgja mjög einföldum reglum, það er að hafa hundana í taum og þeir mega ekki komast í beina snertingu við þjóna, aðra viðskiptavini, diska og hnífapör. Svipaðar reglur eru nú þegar í gildi í New York og Kaliforníu.
Vandamálið hérlendis er að ríkið setur sveitarfélögum skorður.
Málið var rætt í borgarstjórn og borin fram tillaga um að borgarstjórnin sammæltist í því að beina því til ríkisvaldsins að sveitarfélögunum væri í sjálfsvald sett hvernig haga ætti reglum um hollustuhætti og matvæli. Þessi tillaga var samþykkt í maí í fyrra, en Fulltrúar Framsóknar og flugvallarvina, Sveinbjörg Birna Sveinbjörnsdóttir og Guðfinna Jóhanna Guðmundsdóttir sátu hjá í kosningunni. Guðfinna Jóhanna kallaði tillöguna krúttlega í viðtali stuttu eftir kosninguna.
Þrátt fyrir að tillagan hafi verið samþykkt hefur enn ekkert bólað á breytingum eða pressu frá núverandi borgarstjórn til ríkisvaldsins. Það er kominn tími á að þessi krúttlega tillaga fái rödd innan ríkisvaldsins og bannið í reglugerðinni um hollustuhætti verði endurskoðað.
