Eru til hundar sem valda ekki ofnæmi?

rannsókn frá American Journal of Rhinology & Allergy sem gerð var árið 2011 var ryk af heimilum með ofæmisfría hunda borið saman við ryk á heimilum með öðrum hundategundum. Ekki fannst mikill munur á milli ofnæmisvaka í rykinu. Ofnæmisfríar tegundir fara hins vegar ekki úr hárum. Ofnæmisvakar festa sig við hár, föt og ryk og ferðast þannig um íbúðina. Því má halda því fram að dreifing ofnæmisvakans sé minni hjá þeim hundum sem fara ekki úr hárum eða eru hárlausir. Fari hundur ekki úr hárum fylgir yfirleitt meiri feldhirða. Klipping og dagleg burstun er hér um bil algild hjá þessum tegundum nema þeim hárlausu og stríhærðu. Stríhærða hunda þarf að reita eða raka. Fari hundur ekki úr hárum er hann annaðhvort með einfaldan, fínan feld eða einfaldan, grófan feld. Fíni feldurinn vex eins og mannahár en hann þarf að klippa, baða og blása reglulega. Grófa feldinn þarf að reita reglulega til að halda feldinum heilbrigðum. Það má líka raka eða klippa þá feldgerð en þá getur útlit feldsins breyst og hentar til dæmis ekki fyrir sýningarhunda. Engin tegund er 100% ofnæmisfrí en ofnæmissjúklingar eru líklegri til að þola eftirfarandi tegundir. Sé einstaklingur með ofnæmi er sniðugt að fá hund í pössun í nokkra daga til að sjá hvort viðkomandi verði var við ofnæmiseinkenni. Þá er best að hundurinn sem kemur í pössun sé af sömu tegund og áhugi er á að bæta við heimilið. Tegundir sem fara ekki úr hárum eru eftirfarandi*: *Ekki eru allar tegundirnar hérlendis, það er þá sérstaklega tekið fram.