Mbl.is greinir frá því að kona á þrítugsaldri hafi dáið á sjúkrahúsi í nænum Førde í gærkvöldi. Hún hafði verið á ferðalagi í Suðausturasíu fyrir tveim mánuðum þegar hún var bitin af hundi. Byrjaði hún að finna fyrir einkennum eftir heimkomu en sjúkrahúsið var ekki upplýst um hundsbitið fyrr en á fimtudaginn seinasta og staðfest að hún væri með hundaæði á laugardaginn. Lést hún á gjörgæsludeild sjúkrahússins í gærkvöldi og unnið er í því að hafa uppi á öllum sem gætu hafa smitast af hinni látnu. Hundaæði hefur ekki greinst í manneskju í Noregi síðan 1815, en hundaæði er alvarlegur veirusjúkdómur sem smitast frá ýmsum dýrategundum með munnvatni, oftast í gegnum bit eða klór, auk þess sem veik dýr geta smitað fólk með því að sleikja það segir Kristine Mørch, yfirlæknir á Haukeland-háskólasjúkrahúsinu og sérfræðingur í trópískum smitsjúkdómum. Meiri upplýsingar um hundaæði hér
