Alþjóðlegur dagur hundsins verður haldinn hátíðlegur á Akureyri, föstudaginn 26. ágúst kl. 17:00. Félagar í Félagi hundaeiganda á Akureyri og aðrir hundaeigendur ætla að hittast á bílaplaninu fyrir neðan Leikhúsið og ganga saman að Ráðhústorgi. Þar geta hundarnir farið í hlýðniæfingar og þrautir eða skellt sér í klóaklippingu. Allir voffar sem mæta á svæðið fá nammiglaðning. Félag hundaeigenda á Akureyri varð 5 ára í apríl og ætlum við að halda upp á afmælið okkar á þessum degi. Allir velkomnir, með eða án hunda. Hlökkum til að vera með ykkur.
