Brúni hundamítillinn fannst í hundi í Reykjavík

Brúni hundamítillinn fannst í hundi í Reykjavík

Brúni hundamítillinn. Ljósmyndir: Karl Skírnisson og Matthías Eydal hjá Tilraunastöð Háskóla Íslands í meinafræði að Keldum

Matvælastofnun sendi í gær út tilkynningu um nýtt tilfelli af brúna hundamítlinum. Þetta er í annað sinn sem brúni hundamítillinn er greindur á þessu ári, en þar á undan hafði hann ekki greinst frá árinu 2010.

Brúni hundamítillinn (Rhipicephalus sanguineus) nærist helst á hundum en getur lagst á önnur spendýr, svo sem nagdýr. Hann er eini mítillinn sem getur farið í gegnum allan lífsferilinn innanhúss og getur því fundist allt árið um kring. Um 5% mítlana eru til staðar á hundinum, en um 95% eru í umhverfinu. Mítillinn getur lifað í 3-5 mánuði á hverju þroskastigi í upphituðu húsi án þess að fá næringu.

Erlendis á brúni hundamítillinn það til að bera smitefni sem veldur sjúkdómum í hundum. Hann getur einnig borið bakteríu sem getur valdið sjúkdómi í fólki. Sem betur fer hefur þetta ekki greinst í mítlunum sem fundist hafa á Íslandi en full ástæða er til að hafa varann á.

Meindýr eins og brúni hundamítillinn geta borist með fólki og farangri þess, sér í lagi því sem hefur verið í snertingu við dýr eða nálægt dýrum. Matvælastofnun vekur athygli á mikilvægi þess að gæta smitvarna og reyna eins og kostur er að bera ekki smitefni með sér til landsins, t.d. með því að þvo allan fatnað og annað sem hefur verið í snertingu við dýr, hreinsa öll óhreinindi af skóm, þvo þá, þurrka og sótthreinsa.

Mælt er með að senda alla hundamítla sem finnast á Íslandi til greiningar á Keldum. Sömuleiðis skal tilkynna slíka fundi til Matvælastofnunar.

Ljósmynd: Karl Skírnisson og Matthías Eydal hjá Tilraunastöð Háskóla Íslands í meinafræði að Keldum

Athugasemdir

athugasemdir

About the author

Berglind Guðbrandsdóttir
Berglind á íslenska fjárhundinn Hektor og whippetana Blossa og Takt. Hún hefur mikla reynslu af hundum og er lærður hundaþjálfari og -atferlisfræðingur. Hún lærði í bandaríska skólanum The Academy for Dog Trainers. Berglind er að læra hundanudd í Chicago School of Canine Massage. Hún er með BSc í sálfræði og hefur unnið með Dýrahjálp Íslands. Hún vinnur sem aðstoðarkona dýralæknis og hundaþjálfari.

Related Posts

You may also like

Stenst einangrunarvistin kröfur um velferð dýra?

Í gær birti Félag Ábyrgra hundaeigenda á síðu