Frá björgunaraðgerðunum í dag. Ljósmynd/Landsbjörg

Atlas, 5 ára Gordon Setter, var bjargað eftir að hafa fallið ofan í 5-6 metra ofan í sprungu. Tvær björgunarsveitir voru kallaðar út í Árnessýslu í gær. Opið var ekki stórt og vel falið í kjarrlendi, eigendur hundsins sáu ekki til hans en heyrðu í honum.

Hundurinn kominn upp úr sprungunni. Ljósmynd/Landsbjörg

Samkvæmt frétt sunnlenska.is fóru tíu björgunarsveitarmenn á vettvang og þurftu þeir að síga niður sprunguna og finna hundinn. Tókst þeim að koma ólum um hann og hífa hann upp, hann komst úr sprungunni heill á húfi seinni partinn í gær.

Hundasamfélagið vill minna hundaeigendur á að vera ekki með hunda lausa á þessu svæði og ekki með tauminn tengdan í hálsól. Það er mikilvægt að hafa hund í góðu beisli sem skaðar ekki hundinn ef það þarf að draga hann upp úr sprungu. Sprungurnar sjást illa og hundar hafa oftar en einu sinni dottið niður í sprungur, sem dæmi má nefna Ronju sem fannst eftir viku ofan í sprungu á Þingvöllum árið 2017.


Guðfinna á Dandie Dinmont Terrier rakkann Watson. Hún er hönnuður, situr í stjórn Félags ábyrgra hundaeiganda og Dýraverndarsambands Íslands. Hún lærði um hegðun týndra dýra hjá Missing Animal Response Network. Nú hjálpar hún til við að finna týnda hunda, býr til auglýsingar og ráðleggur við leitir, einnig er hún að vinna að þróun smáforrits fyrir týnd dýr.

Skildu eftir svar

Netfang þitt verður ekki birt. Nauðsynlegir reitir eru merktir *