Af hverju að nota nammi í þjálfun?

Af hverju að nota nammi í þjálfun?

Nammi er mikið notað í þjálfun á hundum, en af hverju? Sem hundaeigendur og hundaþjálfarar er það skylda okkar að láta hundunum okkar líða vel og það er alltaf mikill kostur að ná góðum árangri í þjálfun. Matur gerir það að verkum að auðvelt er að ná settum markmiðum en á sama tíma hefur hann þá hliðarverkun að hundar njóta þess að vera þjálfaðir. Þegar hundar njóta þess að vera þjálfaðir verður allt auðveldara. Fyllum því nammitöskurnar og höfum gaman! Ef þetta var ekki nóg til að sannfæra þig eru hér fimm atriði í viðbót um hvers vegna við ættum að nota nammi í þjálfun.

Ástæða 1: Ástin á mat

Langflestir hundar elska nammi og allir hundar þurfa mat til að lifa af.

Ástæða 2: Þægindin

Það er auðvelt að stinga nammi í vasann, það geymist vel og það er auðvelt að bera það á milli staða. Hundanammi er einnig mjög aðgengilegt.

Ástæða 3: Fjölbreytileikinn

Það er til mikið og fjölbreytt úrval af nammi. Það gerir það að verkum að auðvelt er að skipta nammi niður eftir vinsældum hjá hverjum hundi fyrir sig og nota þannig eftirsóknarverðara nammi eftir því sem æfingar verða erfiðari. Innkall í burtu frá ketti krefst merkilegra nammi (kjúklingur, lifur, sardínur) en að biðja hund um að setjast inni í stofu (þá sætta flestir hundar sig við bita af þurrmat).

Ástæða 4: Eftirvæntingin

Matur gerir hunda glaða og hamingjusama. Þegar nammi er notað í þjálfun verða hundar spenntir fyrir næstu æfingu því þeir njóta þess að fá verðlaunin.

Ástæða 5: Bónusinn

Það er hægt að nota mat til að breyta tilfinningalegu ástandi hunda. Þannig getum við hjálpað hræddum hundi að verða slakur og yfirvegaður, með aðferð sem kallast gagnskilyrðing.

Athugasemdir

athugasemdir

About the author

Berglind Guðbrandsdóttir
Berglind á íslenska fjárhundinn Hektor og whippetana Blossa og Takt. Hún hefur mikla reynslu af hundum og er lærður hundaþjálfari og -atferlisfræðingur. Hún lærði í bandaríska skólanum The Academy for Dog Trainers. Berglind er að læra hundanudd í Chicago School of Canine Massage. Hún er með BSc í sálfræði og hefur unnið með Dýrahjálp Íslands. Hún vinnur sem aðstoðarkona dýralæknis og hundaþjálfari.

Related Posts

You may also like

Stenst einangrunarvistin kröfur um velferð dýra?

Í gær birti Félag Ábyrgra hundaeigenda á síðu